SUMMARIOS IN INTERLINGUA

[摘要] Le Uso De Amphotericina B In Le Tractamento De Disseminate Histoplasmosis InfantilEs reportate le casos de quatro patientes juvenil qui se restabliva rapidemente ab histoplasmosis disseminate post le administration intravenose de amphotericina B. Tres del patientes habeva etates de minus que 1 anno, le quarte habeva un etate de 3 annos. Le dosage diurne variava inter 0,25 e 1,0 mg/kg. Le calculate quantitate del droga esseva solvite in 5% de dextrosa in aqua, de maniera que un concentration de 1 mg/10 ml non esseva excedite. Le rapiditate del infusion esseva regulate de maniera que le dosage esseva administrate in le curso de un periodo de 6 horas. Iste therapia intravenose esseva continuate durante 4 septimanas in duo del patientes, durante 25 dies in le tertie, e durante 21 dies in le ultime.Culturas de medulla ossee resultava in crescentias de Histoplasma capsulatum in le casos del tres infantes sed non in le caso del patiente de etate plus alte. In iste ultime caso, le diagnose esseva confirmate per un test positive con gel de precipitina in agar.Mal de capite, nausea, e vomito es precoce manifestationes toxic del therapia, e elevationes del nitrogeno non proteinic in le sanguine esseva notate in le absentia de altere signos de morbo renal. Un del patientes disveloppava un reaction febril durante omne infusion, e a tres occasiones albuminuria esseva notate. Un del infantes habeva algor, febre, e un reaction anaphylactoide post le prime injection. Isto esseva apparentemente supprimite per drogas antihistaminic e epinephrina, le quales esseva discontinuate post le dece-secunde die del tractamento sin que le reactiones retornava. Le altere duo patientes habeva nulle serie reactiones de toxicitate.

[学科分类] 儿科学