SUMMARIOS IN INTERLINGUA

[摘要] Il es, ab longo, un establite doctrina medical, pediatric, e urologic que in femininas solmente specimens de urina obtenite per catheterismo es digne de confidentia in le diagnose de un ver bacilluria. Le presente investigation esseva interprendite con le objectivos (1) de comparar flora, numeration bacterial, e tincturation Gram de non centrifugate urina in appareate specimens catheterisate e non-catheterisate ab juvene pueras pro determinar le valor diagnostic de specimens de vacuation nitide e (2) de definir le conditiones sub le quales culturas obtenite ab specimens vacuate pote esser considerate como valide in le diagnose de infectiones del vias urinari.Le subjectos esseva 170 pueras de etates de inter 2 e 12 annos. Illas esseva dividite in tres gruppos. In Gruppo I, con 58 pueras, specimens appareate per catheterismo e vacuation nitide esseva obtenite. In Gruppo II, con 62 pueras, solmente specimens per vacuation nitide esseva obtenite. In Gruppo III, con 50 pueras specimens casual de vacuation nonnitide esseva obtenite.Esseva constatate un correlation positive de 96,5% inter le specimens a catheterismo e le specimens a vacuation nitide, obtenite secundo technicas standardisate ab le mesme patientes. Le intervallo de tempore inter le duo typos de examine esseva minus que un hora.Le numeration de colonias es un methodo valide pro differentiar infection ab contamination tanto in specimens a vacuation nitide como etiam in specimens catheterisate ab juvene pueras. Le datos obtenite suggere que urinas continente minus que 1.000 colonias per ml reflecte contamination; urinas continente inter 1.000 e 100.000 colonias per ml debe esser suspicite de portar un infection; e urinas continente plus que 100.000 colonias per ml reflecte le certitude de infection.Specimens de vacuation nitide es valide solmente si le patiente es preparate al collection del specimen tanto meticulosemente como in le caso de catheterismo.

[学科分类] 儿科学