SUMMARIOS IN INTERLINGUA

[摘要] Iste articulo presenta le mesurationes del volumine del aere currente, del frequentia respiratori, e del volumine pulmonar in 64 patientes con fibrosis cystic del pancreas, insimul con determinationes del resilientia e del resistentia pulmonar in 42 del casos. Le etates del patientes variava inter 6 e 25 annos, e studios serial del volumines pulmonar esseva effectuate in 43 casos.Le evalutationes clinic es comparate con le resultatos del studios de function pulmonar. Independentemente, un radiologo evalutava e graduava le roentgenogrammas thoracic de 50 patientes. Le resultatos de omne le varie observationes pulmonar es comparate, super le base de equalitate de statura, con simile mesurationes in pueros e pueras normal e es exprimite como procentages de deviation ab le norma.A parte tres patientes con lobectomia, le volumines residue e le residue capacitate functional esseva augmentate significativemente in 46 e 21 pro cento del patientes, respectivemente. Reducite volumines de acre currente e accelerationes respiratori esseva trovate solmente in le patientes qui esseva le plus severmente malade. Le capacitate vital esseva infra le valores predicite in omne casos con 10 exceptiones. Illo esseva significativemente reducite in 34 pro cento del casos. Septanta pro cento del 61 patientes habeva un significativemente augmentate proportion de volumine residue a capacitate pulmonar total. In general, le capacitate pulmonar total esseva relativemente inalternate. Hyperinflation, mesurate per tests de function pulmonar, se trovava in bon correlation con le evaluation roentgenologic de emphysema.Le resilientia pulmonar (= alteration del volumine per unitate de alteration in pression) se monstrava significativemente reducite solmente in le patientes qui esseva le plus severmente malade, ben que pro le gruppo total su valor medie esseva 15 pro cento infra le valor predicite. Le resistentia esseva significativemente augmentate in 35 pro cento del patientes.

[学科分类] 儿科学